[Tea-Table Miscellany Contents]
To the Tune of, Come kiss with me, come clap with me, &c.
–
PEGGY.
MY Jocky blyth for what thou has done,
There is nae help nor mending;
For thou has jog’d me out of tune,
For a’ thy fair pretending.
My mither sees a change on me,
For my complexion dashes,
And this, alas! has been with thee
Sae late amang the rashes.
–
JOCKY.
My Peggy, what I’ve said I’ll do,
To free thee frae her scouling;
Come then and let us buckle to,
Nae langer let’s be fooling:
For her content I’ll instant wed,
Since thy complexion dashes;
And then we’ll try a feather-bed,
‘Tis safter than the rashes.
–
PEGGY.
Then Jocky since thy love’s so true,
Let mither scoul, I’m easy:
Sae lang’s I live I ne’er shall rue
For what I’ve done to please thee.
And there’s my hand I’s ne’er complain
O! well’s me on the rashes;
When e’er thou likes I’ll do’t again,
And a feg for a’ their clashes.
– Old Songs.