[Tea-Table Miscellany Contents]
To the Tune of, The glancing of her Apron.
–
MY Jeany and I have toil’d
The live lang simmer day,
‘Till we amaist were spoiled
At making of the hay:
Her kurchy was of holland clear,
Ty’d on her bony brow,
I whispered something in her ear;
But what’s that to you?
–
Her stockings were of Kersy green,
As tight as ony silk:
O sic a leg was never seen,
Her skin was white as milk;
Her hair was black as ane cou’d wish,
And sweet, sweet was her mou,
O! Jeany daintylie can kiss;
But what’s that to you?
–
The rose and lilly baith combine,
To make my Jeany fair,
There is nae bennison like mine,
I have amaist nae care;
Only I fear my Jeany’s face,
May cause mae men to rew,
And that may gar me say, alas!
But what’s that to you?
–
Conceal thy beauties, if thou can
Hide that sweet face of thine,
That I may only be the man
Enjoys these looks divine.
O do not prostitute, my dear,
Wonders to common view,
And I with faithful heart shall swear,
For ever to be true.
–
King Solomon had wives anew,
And mony a concubine;
But I enjoy a bless mair true,
His joys were short of mine;
And Jeany’s happier than they,
She seldom wants her due,
All debts of love to her I pay,
And what’s that to you?
– Old Songs with Additions.
