[Tea-Table Miscellany Contents]
Jocky met with Jenny fair,
Aft be the dawing of the day;
But Jocky now is fu’ of care,
Since Jenny staw his heart away:
Altho’ she promis’d to be true,
She proven has alake! unkind;
Whích gars poor Jocky aften rue,
That he e’er loo’d a fickle mind.
And its o’er the hills and far away.
Its o’er the hills and far away,
Its o’er the hills and far away,
The wind has blawn my plaid away.
–
Now Jocky was a bonny lad,
As e’er was born in Scotland fair;
But now, poor man, he’s e’n gane wood,
Since Jenny has gart him despair.
Young Jocky was a piper’s son,
And fell in love when he was young;
But a’ the springs that he cou’d play,
Was o’er the hills and far away,
And it’s o’er the hills, &c.
–
He sung – when first my Jenny’s face
I saw, she seem’d sae fu’ of grace,
With meikle joy my heart was fill’d,
That’s now alas! with sorrow kill’d.
Oh! was she but as true as fair,
‘Twad put an end to my despair.
Instead of that she is unkind,
And wavers like the winter-wind.
And it’s o’er the hills, &c.
–
Ah! cou’d she find the dismal wae,
That for her sake I undergae,
She cou’d nae chuse but grant relief,
And put an end to a’ my grief:
But oh! she is as fause as fair,
Which causes a’ my sighs and care;
But she triumphs in proud disdain,
And takes a pleasure in my pain.
And it’s o’er the hills, &c.
–
Hard was my hap, to fa’ in love,
With ane that does sae faithless prove.
Hard was my fate to court a maid,
That has my constant heart betray’d.
A thousand times to me she sware,
She wad be true for evermair;
But, to my grief, alake, I say,
She staw my heart and ran away,
And it’s o’er the hills, &c.
–
Since that she will nae pity take,
I maun gae wander for her sake,
And, in ilk wood and gloomy grove,
I’ll sighing sing, adieu to love,
Since she is fause whom I adore,
I’ll never trust a woman more;
Frae a’ their charms I’ll flee away,
And on my pipe I’ll sweetly play,
O’er hills and dales and far away,
Out o’er the hills and far away,
Out o’er the hills and far away,
The wind has blawn my plaid away.
– Old Songs.