[Tea-Table Miscellany Contents]
Tune of, For our lang biding here.
–
WHen we came to London Town,
We dream’d of gowd in gowpings here,
And rantinly ran up and down,
In rising stocks to buy a skair:
We daftly thought to row in rowth,
But for our daffine pay’d right dear;
The lave will fare the war in trouth,
For our lang biding here.
–
But when we fand our purses toom,
And dainty stocks began to fa’,
We hang our lugs and wi’ a gloom,
Girn’d at stockjobbing ane and a’.
If we gang near the South-Sea house,
The whillywha’s will grip ye’r gear,
Syne a’ the lave will fare the war,
For our lang biding here.
