[Tea-Table Miscellany Contents]
A SONG to the Tune of, – Chami ma chattle, ne duce skar mi.
–
WHen innocent pastime our pleasure did crown,
W Upon a green meadow, or under a Tree,
E’er Annie became a fine lady in town,
How lovely and loving and bony was she?
Rouse up thy reason, my beautiful Annie,
Let ne’er a new whim ding thy fancy a-jee; –
O! as thou art bony be faithfu’ and cany,
And favour thy Jamie wha doats upon thee.
–
Does the death of a lintwhite give Annie the spleen?
Can tyning of trifles be uneasy to thee;
Can lap-dogs and monkies draw tears frae these een,
That look with indifference on poor dying me:
Rouze up thy reason, my beautifu’ Annie,
And dinna prefer a paroquet to me;
O! as thou art bony, be prudent and cany,
And think on thy Jamie wha doats upon thee.
–
Ah! shou’d a new manto or Flanders lace head,
Or yet a wee cottie, tho’ never sae fine,
Gar thee grow forgetfu’, and let his heart bleed,
That anes had some hope of purchasing thine?
Rouze up thy reason, my beautifu’ Annie,
And dinna prefer ye’r fleegeries to me;
O! as thou art bony, be solid and cany,
And tent a true lover that doats upon thee.
–
Shall a Paris edition of new-fangle Sany,
Tho’ gilt o’er wi’ laces and fringes he be,
By adoring himself, be admir’d by fair Annie,
And aim at these Benisons promis’d to me?
Rouze up thy reason, my beautifu’ Annie,
And never prefer a light dancer to me;
O! as thou art bony be constant and cany,
Love only thy Jamie wha doats upon thee.
–
O! think, my dear charmer, on ilka sweet hour,
That slade away saftly between thee and me,
E’er squirrels, or beaus, or foppery had power
To rival my love and impose upon thee.
Rouze up thy reason, my beautifu’ Annie,
And let thy desires be a’ center’d in me;
O! as thou art bony be faithfu’ and cany,
And love him wha’s langing to center in thee.
