[Tea-Table Miscellany Contents]
MITHER.
AUld Rob Moris that wins in yon glen, (Men,
He’s the king of good fellows, and wale of auld
Has fourscore of black sheep, and fourscore too,
Auld Rob Moris is the man ye maun loo.
–
DOUGHTER.
Ha’d your tongue mither, and let that abee,
For his eild and my eild can never agree:
They’ll never agree, and that will be seen!
For he is fourscore, and I’m but fifteen.
–
MITHER.
Ha’d your tongue, doughter, and lay by your pride,
For he’s be the bridegroom, and ye’s be the bride;
He shall ly by your side, and kiss ye too,
Auld Rob Moris is the man ye maun loo.
–
DOUGHTER.
Auld Rob Moris I ken him fou weel,
His A—— it sticks out like ony peet-creel,
He’s out shin’d, in kneed and ringle-ey’d too;
Auld Rob Moris is the man I’ll ne’er loo.
–
MITHER.
Tho’ auld Rob Moris be an elderly man,
Yet his auld brass it will buy a new pan;
Then, doughter, ye shoudna be sae ill to shoo,
For auld Rob Moris is the man ye maun loo.
–
DOUGHTER.
But auld Rob Moris I never will hae,
His back is sae stiff, and his beard is grown gray:
I had titter die than live wi’ him a Year;
Sae mair of Rob Moris I never will hear.
