[Tea-Table Miscellany Contents]
JOcky said to Jeany, Jeany, wilt thou do’t?
Ne’er a fit, quo’ Jeany, for my tochergood,
For my tochergood, I winna marry thee.
E’ens ye like, quo’ Jonny, ye may let it be.
–
I ha’ gowd and gear, I ha’ land enough,
I ha’ seven good owsen ganging in a pleugh,
Ganging in a pleugh, and lingking o’er the lee,
And gin ye winna take me, I can let ye be.
–
I ha’ a good ha’ house, a barn and a byer,
A stack afore the door, I’Il make a rantin fire;
I’ll make a rantin fire, and merry shall we be;
And gin ye winna take me, I can let ye be.
–
Jeany said to Jocky, gin ye winna tell,
Ye shall be the lad, I’ll be the lass my sell,
Ye’re a bony lad, and I’m a lassie free,
Ye’re welcomer to take me, than to let me be.
– Old Songs.
