[Tea-Table Miscellany Contents]
AT Polwart on the green
If you’ll meet me the morn,
Where lasses do convene
To dance about the thorn.
A kindly welcome you shall meet
Frae her wha likes to view
A lover and a lad compleat,
The lad and lover you.
–
Let dorty dames say na,
As lang as e’er they please,
Seem caulder than the sna’,
While inwardly they bleez;
But I will frankly shaw my mind,
And yield my heart to thee;
Be ever to the captive kind,
That langs na to be free.
–
At Polwart on the green,
Amang the new mawn hay,
With sangs and dancing keen
We’ll pass the heartsome day.
At night, if beds be o’er thrang laid,
And thou be twin’d of thine,
Thou shalt be welcome my dear lad,
To take a part of mine.
