To the Tune of, Lochaber no more.
FArewell to Lochaber, and farewell my Jean,
Where heartsome with thee I’ve mony day been;
For Lochaber no more, Lochaber no more,
We’ll may be return to Lochaber no more.
These tears that I shed, they are a’ for my dear,
And no for the dangers attending on weir,
Tho’ bore on rough seas to a far bloody shore,
Maybe to return to Lochaber no more.
Tho’ hurrycanes rise, and rise ev’ry wind,
They’ll ne’er make a tempest like that in my mind.
Tho’ loudest of thunder on louder waves roar,
That’s naithing like leaving my love on the shore.
To leave thee behind me, my heart is sair pain’d.
By ease that’s inglorious, no fame can be gain’d.
And beauty and love’s the reward of the brave,
And I must deserve it before I can crave.
Then glory, my Jeany, maun plead my excuse,
Since honour commands me, how can I refuse?
Without it I ne’er can have merit for thee,
And without thy favour I’d better not be!
I gae then, my lass, to win honour and fame,
And if I should luck to come gloriously hame,
I’ll bring a heart to thee with love running o’er,
And then I’ll leave thee and Lochaber no more.