[Tea-Table Miscellany Contents]
O Had away, had away,
Had away frae me, Donald;
Your heart is made o’er large for ane,
It is not meet for me, Donald:
Some fickle mistris you may find
Will jilt as fast as thee, Donald;
To ilka swain she will prove kind,
And nae less kind to thee, Donald.
–
But I’ve a heart that’s naething such,
‘Tis fill’d with honesty, Donald;
I’ll ne’er love mony, I’ll love much,
I hate all levity, Donald.
Therefore nae mair, with art, pretend
Your heart is chain’d to mine, Donald;
For words of falshood I’ll defend,
A roving love like thine, Donald.
–
First when you courted, I must own
I frankly favour’d you, Donald;
Apparent worth and fair renown,
Made me believe you true, Donald.
Ilk virtue then seem’d to adorn
The man esteem’d by me, Donald;
But now, the mask fallen aff, I scorn
To ware a thought on thee, Donald.
–
And now, for ever, had away,
Had away from me, Donald;
Gae seek a heart that’s like your ain,
And come nae mair to me, Donald:
For I’ll reserve my sell for ane,
For ane that’s liker me, Donald;
If sic a ane I canna find,
I’ll ne’er loo man, nor thee, Donald.
–
DONALD.
Then I’m thy man, and false report
Has only tald a lie, Jenny;
To try thy truth, and make us sport,
The tale was rais’d by me, Jenny.
–
JENNY.
When this ye prove, and still can love,
Then come away to me, Donald;
I’m well content, ne’er to repent
That I have smil’d on thee, Donald.
– Old Songs with Additions.
