[Tea-Table Miscellany Contents]
SAW ye Jenny Nettles,
Jenny Nettles, Jenny Nettles,
Saw ye Jenny Nettles,
Coming frae the market;
Bag and baggage on her back,
Her fee and bountith in her lap;
Bag and baggage on her back,
And a babie in her oxter.
–
I met ayont the kairny,
Jenny Nettles, Jenny Nettles,
Singing till her bairny,
Robin Rattles’s bastard;
To flee the dool upo’ the stool,
And ilka ane that mocks her,
She round about seeks Robin out,
To stap it in his oxter.
–
Fy, fy! Robin Rattle,
Robin Rattle, Robin Rattle,
Fy, fy! Robin Rattle,
Use Jenny Nettles kindly:
Score out the blame, and shum the shame,
And without mair debate o’t,
Take hame your wain, make Jenny fain,
The leel and Ieesome gate o’t.
