[Tea-Table Miscellany Contents]
O Jeany, Jeany, where has thou been?
Father and mother are seeking of thee.
Ye have been ranting, playing the wanton,
Keeping of Jocky company.
O Betty, I’ve been to hear the mill clack,
Getting meal ground for the family,
As fow as it gade I brang hame the sack,
For the miller has taken nae mowter frae me.
–
Ha! Jeany, Jeany, there’s meal on your back,
The miller’s a wanton billy, and slee,
Tho’ victual’s come hame again hale, what reck,
I fear he has taken his mowter off thee.
And Betty, ye spread your linnen to bleech,
When that was done, where cou’d you be?
Ha! lass I faw ye slip down the hedge,
And wanton Willy was following thee.
–
Ay Jeany, Jeany, ye gade to the kirk;
But when it skail’d, where cou’d thou be?
Ye came nae hame till it was mirk,
They say the kissing clerk came w’ ye.
O silly lassie, what will thou do?
If thou grow great, they’ll heez thee hie.
Look to your sell, if Jock prove true:
The clerk frae creepies will keep me free.
– Old Songs with Additions.
