Ye Banks and Braes o’ Bonnie Doon.
Words by Burns.
Arranged by Finlay Dun.
–
Ye banks and braes o’ bonnie Doon,
How can ye bloom sae fresh and fair,
How can ye chant ye little birds,
And I sae weary, fu’ o’ care!
Ye’ll break my heart ye warbling birds,
That wanton through the flow’ry thorn,
Ye mind me o’ departed joys,
Departed never to return.
–
Oft ha’e I roved by bonnie Doon,
To see the rose and woodbine twine;
Where ilka bird sang o’ its love,
And fondly saw did I o’ mine,
Wi’ lightsome heart I pu’d a rose,
Fu’ sweet upon its thorny tree;
But my fause lover stole my rose,
And ah! he left the thorn wi’ me.
