My Nannie O

[Scenery & Songs Contents]

My Nannie O. 

Words by Burns. 

Arranged by Finlay Dun. 

– 

Behind you hills where Lugar flows, 

‘Mang muirs and mosses many, O, 

The wintry sun the day has closed, 

And I’ll awa to Nannie O. 

The westlin’ wind blaws loud and shrill, 

The night’s baith mirk and rainy, O, 

But I’ll get my plaid and out I’ll steal, 

And o’er the hills to Nannie, O. 

– 

My Nannie’s charming, sweet, and young; 

Nae artfu’ wiles to win ye, O; 

May ill befa’ the flattering tongue, 

That wad beguile my Nannie, O. 

Her face is fair, her heart is true, 

As spotless as she’s bonnie, O. 

The opening gowan wat wi’ dew, 

Nae purer is than Nannie, O. 

– 

A country lad is my degree, 

And few there be that ken me, O; 

But what care I how few they be? 

I’m welcome aye to Nannie, O. 

My riches a’s my penny fee, 

And I maun guide it cannie, O; 

But warld’s gear ne’er troubles me, 

My thoughts are a my Nannie, O. 

– 

Our auld gudeman delights to view 

His sheep and kye thrive bonnie, O; 

But I’m as blythe that hauds his plough, 

And has nae care but Nannie, O. 

Come weel, come woe, I carena by, 

I’ll tak what heav’n will send me, O. 

Nae ither care in life hae I, 

But live and love my Nannie, O. 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s