When Wild Wars Deadly Blast was Blawn.
Words by Burns.
Arranged by Finlay Dun.
–
When wild wars deadly blast was blawn,
And gentle peace returning,
And eyes again with pleasure beam’d
That had been blear’d with mourning;
I left the lines and tented field,
Where lang I’d been a lodger,
My humble knapsack a’ my wealth,
A poor and honest sodger.
–
At length, I reach’d the bonnie glen,
Where early life I sported;
I pass’d the mill and trysting thorn,
Where Nancy aft I courted,
Wha spied I but my ain dear maid,
Down by her mother’s dwelling!
And turn’d me round to hide the flood,
That in my e’e was swelling.
–
She gaz’d – she redden’d like a rose;
Syne pale like ony lily;
She sank within my arms, and cried,
Art thou my ain dear Willie?
By him who made yon sun and sky,
By whom true love’s regvarded,
I am the man – and thus may still
True lovers be rewarded.
–
The wars are o’er, and I’m come hame,
And find thee still true hearted,
Tho’ poor in gear, we’re rich in love;
And mair, we’se ne’er be parted.
Quo’ she, my grandsire left me gowd,
A mailen plenish’d fairly;
And come my faithful soldier lad,
Thou’rt welcome to it dearly.