[Tea-Table Miscellany Contents]
MY soger laddie
Is over the sea,
And he will bring gold
And money to me;
And when he comes hame,
He’ll make me a lady,
My blessing gang with
My soger laddie.
–
My doughty laddie
Is handsome and brave,
And can as a soger
And lover behave;
True to his country,
To love he is steady,
There’s few to compare
With my soger laddie.
–
Shield him ye angels,
Frae death in alarms,
Return him with lawrels
To my langing arms.
Syne frae all my care
Ye’ll pleasantly free me,
When back to my wishes
My soger ye gie me.
–
O soon may his honours
Bloom fair on his brow,
As quickly they must,
If he get his due:
For in noble actions
His courage is ready,
Which makes me delight
In my soger laddie.
